Jesu Geburt

...ich weiß, ich bin zu früh dran - aber ich muss es los werden: die Weihnachslegende auf Bayrisch...:

Grod a Stoi* is eahna bliebn                        *Stall

für de Nacht, in Betlehem...

Schof woarn drin, so sechs, a siebn

Ochs und Esl aa dane(b)m...

Josef, aufgwacht - Wehen hob i,

`s is so weit – as Kindl kimmt...

Dua di bittschön iatz ned owe,

oiss paletti – ganz bestimmt !

Und dann, so noch drei, vier Stundn

- wia kunnt`s denn aa andast sei -

hat`s an Jesus hoit entbundn,

wicklt `n in Windln ei...

Kindabett hat`s do koans gebm:

hat nan in a Krippn glegt.

So muass unsa Heiland lebm!

- War da Josef aufgeregt!

Halleluia ham`s dann gsunga,

d`Engl... – Gloria dazua,

Hirtn san dann aa glei kumma,

kriagn vom Gsang glei goar ned gnua...

Über´m Stoi: – A Stern is gstandn

hell und schee – wos is des bloß?

Oiss steht aa glei voi Passantn,

weil - de Neigier is hoit groß...

Weng dem Stern san Weise komma

aus`m ferna Morgnland.

In da Hauptstadt frogn se umma,

wo ma `s Kindl findn kannt.

In da Schrift, do hättn`s glesn,

dass da neie König waar

vo de Judn. - So is gwesn...

Da Herodes wird ganz starr,

hat glei olle Neigeborna

lassn umbringa – der Schuft !

Und de heilige Familie:

Nach Ägyptn san`s vaduft...

So hob`s jednfoiss i glesn

in da Bibl – wos mia gfoitt - !

Is vielleicht genauso gwesn...

werd scho stimma... - Glaubt`s es hoit !

Paul Rudolf Uhl 

 Anmerkung: Wer möchte (und kann) darf dieses Gedicht gerne in der Familie, im Verein oder Freundeskreis zum Besten geben...