Hellsehen

Die Wirtin vo´ da Söldenau -

A so was gibt´s sonst nirgends wo:

Des Weib is wirklich eine Schau,

weil´s da de Zukunft weissogn ko´!

De nimmt dei´ Hand – des is fei´ wahr -

und sogt aa glei´wos kemma kannt:

A Lottog´winn, a Unfoi gar...

Vielleicht a Roas ins fremde Land?

Amoi, do kimmt da Franz vom Wirt

und spat is´s wordn, weil Zoidog war...

Wos eahm sei´ Frau sogt, des is hirt:

„Des machst ned oft Franz – is des klar!?“

Do brauch i´ gor koa „zwoates G´sicht“,

und ohne, dass i hellseng ko:

Wann´st no´moi so spat kimmst – du Wicht,

dann suach i mir an andan Mo´!“

Der Franz is wirkli´ irritiert

und moant do drauf glei´ - ganz vaduzt:

„I´ woitt ja geh´ - hob vui sinniert,

des hat ma aber gar nix g´nutzt:

De Wirtin hat ma Kartn g´legt

und g´sogt: Franz schau moi – Sakradie:

do waar a fescher Mo...´- Varreckt –

sie woaß bloß ned: für di - für mi´???

P.U. 10.11.01