"Stille Nacht"...

Drin, in da Stodt – mei´ - do geht´s zua:

In je´n Lad´n spuin´se iatzt des Liad...

- Seit Nikolaus! - Do kriagst glei gnua!

Und so vui Watt werdn do vaglüaht...

Hob Angst, dass unser Jesuskind

glei´ blend´t wird vo´ da Liachtapracht,

und dass desweng an Weg ned find´t,

wenn´s fliang soi - in da heilig´n Nacht.

I´ fürcht, dass´s mei´ Gebet ned hört

vo´ lauter Weihnachtsmusi glei´...

Und aa ned, wenn a Kind wo plärrt....

Do hört ma´ aa koan Hilfeschrei...

I moan, mia soittn staada werdn;

uns b´sinna auf den Sinn vom Fest

und denga an den Fried´n auf Erdn,

so, wias in dera Nacht is g´west...

P.U. 06.12.04