Paul Rudolf Uhl
Schickeria...
Leider: ich gehör´ scheinbar nicht zurSchickeria:
Horch: Im Wirtshaus muaßt wos zoang,
wannst wos gejtn wuist, pass auf:
Schampus, Cocktails, Alcopops…
Koksn müaßast aa no´ drauf...
Apfe´schorle drink i z´meist,
Ja: – Auf `d Nacht moi a Glos Wei´...
Und: Z´Middog a Bier vielleicht,
do mog i a Bayer sei´!
Nike, Boss, Lakoste – ja, mei:
Marken-Outfit ziagt ma o!
Von Armani deaf`s aa sei,
Weil ma sonst ned landn ko...
Wo kaufst ei? – Bei K und L?
Und bei H + M? – Oh je...
Und beim Woolworth hast wos kafft?
Des konn koana mehr vasteh´!
Sport? – Na klar, a jeder woaß:
Kampfsport-Artn, de san „in“:
Jiu-Jitso... Karate...
Bungee hat ma heit im Sinn...
I dua Wandern bloß... – I woaß:
`s macht nix her: Aba mir gfoitts...
Und Gymnastik mach i aa...
Ausglacht werd i: - „So wos Oid`s!“
Olle hamms an Gruppnsex,
und hamm vo da „Szene“ glernt...
Buam vanaschn – wos denn sonst?
„Duast `moi mit?“ „Na! – Weit entfernt!“...
Mei´ Trieblebm ist hoit extrem:
Geh mit meiner Frau ins Bett...
Bin ned schwul und aa ned „bi“,
Rückständig! - A so a Gfrett...
P.U. 06.02.05
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 10.01.2010.
- Infos zum Urheberrecht / Haftungsausschluss (Disclaimer).