Zeit...

I´ hob ma´ Gedankn gmacht über de Zeit:

Bin aa iatzt scha neinasechzg Joahr…     

Des is´ bloß a „Nix“ zwischn gestern und heit!

Da Heesters is´ Hundert sogoar…

Wos Zeit is´, des hob i´ no´ nia ned kapiert…

Se is´ scha  a wengal abstrakt:

So ungleich is´ - des hat mi´ oft irritiert,

mei´ Hirn hat des no´ ned dapackt…

Des oa´ Moi, do rennt se, - a Stund is´ do nix,

grod, wenn´s da  iatz eh so pressiert…

A andas Moi tropft se so langsam - `zefix!

Mechst a schiabm , dass´s gehad moi wird…

A so a Joahrtausend, des woaß i´ iatz gwiß,

des ka´ ma´ fast ned definiern…

A Zehntl-Sekund´ va da Ewigkeit is`s!

Do brauch´ ma´ ned lang debattiern.

In Deitschland, da hammas ja scha `moi dalebt,

wia lang tausnd Joahr kannt´n  sei´:

An Hitler sei  Reich, des hat ned recht lang ghebt:

In zwölf Joahr woar olles vabei…