Jed`s Joahr wieder

D´ Natur wenn iatza aufwacht und

da Frühling wieda kimmt ins Land;

Im Gartn wenn oiss blüaht schee bunt,

denkt mancher „an den Fortbestand“...

Wenn d´ Vögl wieda tirliern

und wenn im Woid da Kuckuck schreit,

do mog si´ jeda amüsiern

und wart´ auf a Gelegenheit...

Zum Maitanz mögn de Burschn geh´,

de Madln aa´, mit frischm Muat;

A Bussl nach´m Tanz is schee,

falls se´ do ned no mehra duad...

Valiabt, valobt, vaheirat´ gor;

Des Wunda vo´ da Liab - ganz gwschind

des wiedahoit si´ doch jed´s Johr,

wenn si´ as Herz zum Herzn findt...