Gmiasbeetkiesl

                                                             (Gemüsebeet-Kieselstein)

I waar so gern a Kieslstoa

Naa, naa – nadierle ned alloa

sei mecht i – aba aa ned schwarz:

A weißer, mit am Stroaf vo Quarz*!

In unsra Kiesgrua(b)m  hint, am Roa,

do gibt`s Milliona Kieslstoa…

I trog mein` Quarzstroaf ois Livree,

Ja, und wann`s  rengt, dann glänz i schee!

Iatz fehjt  grod no, dass Du mi findst,

mi aufhebst und a wengal grinst

und setzt mi  in Dei Gmiasbeet nei,

i mecht Dei Gmiasbeetkiesl sei…

Du kimmst zum Gmiasbeet jedn Dog

und schaust mi o, wos i so mog…

Mei Quarzstroaf  blitzt aa in da Sonn…

Bin froh, dass i bei Dir sei konn!

                                                               P.U.  10.04.10

*einem  Quarzstreifen