Paul Rudolf Uhl
Waldspaziergang
Da
Frühlingshimme is so blau,
de
Baam so grea … Ja - tirili,
so
singa d´Vögal – und i schau…
Des
is mei Sonndogs-Lithurgie !
Heit is wieda so schee im Woid…
Für´n Mai-Spaziergang gibt´s an Grund:
Zwar
is zum Schwammalbrockn z`boid,
doch
Bärlauch bliaht und Türknbund,
de
Veigaln nickn uns grod zua,
de
Maiglöckal (san gifti, woaßt?)
und
Taubnessln gibt`s aa scho gnua…
-
Wia grod des feine Bleamal hoaßt?
„Des is des Maikraut“ * hast Du gsogt.
„A Maibowle gibt`s heit auf d`Nocht“
So
hamma hoit de Bleamal brockt
und
Du hast uns a Bowle gmocht…
* Waldmeister P.U. 13.05.10
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 15.06.2010.
- Infos zum Urheberrecht / Haftungsausschluss (Disclaimer).