Ausgschamt (unverschämt)

(Gestrige Lesung im Altenheim)

In am Seniorenheim hob i

moi glesn iatz – vui Leit woarn do !

I hock mi oiso gmiatli hi,

und fang aa glei as Vortrong o…

Und weil`s  olle scho recht schlecht hearn,

do red i laut, dass`s aa wos wird…

Poar Weiba aa ! – Des hob I gern !!!

De ratschn do ganz unscheniert!

Wos duast iatz do ois Gentleman?

Leicht hi geh, o schrein, Watsch gebm?

Naa, naa vakehrt! – Wia i mi kenn,

daad de danoch ja nimma le(b)m…

I sog: „Jatz, meine Damen, Herrn,

do bitt I - schenk`s Eicha Gehör

der Frau do drent, sie daad so gern

aa vortrogn – oiso bitte sehr!“

Und bring ihr glei mei Büachl hi…

Do wird se rot und hoit as Mäi,

weil olle Leit, de schaun auf sie!

- I konn genau so ausgschamt sei…