Falterglück

Ma sogt, a Schmetterling hätt`s  guad:

An ganzn Summa hupft er rum,

er tanzt und fladdat frei und froh

vo oan Bleame zum andan – drum

is neidig mancha Menschn – Mo´,

der des   ned derf- ned ka - ned duad…

Wos macht a Schmetterling bei Re(g)n?

Bestimmt hockta dann irgndwo

und friert und hungat de ganz´ Zeit

(und manchmoi rengt`s  fortissimo!)

do braucht`s  fei scho Gelassnheit!

Ka  wochnlang sich kaum bewe(g)n…

Leit, i beneid eahm wirkli ned: 

Vom Vogl gfressn wer(d)n aa oa

und d´Fledamäus machen no Zoff…

Muaß überwintern unter`m  Stoa…

Drum bin ois Mensch  i  froh und hoff´,

dass´s mir wia`n  Schmetterling nia geht…