Darwinismus

In Bi(o)logie  hearns in da Schuj:

Da Darwin moant, da Mensch, der stammt

vom Affn ob. – Am Max werds z´vuj:

Des konn do goar ned sei – vadammt!

Er hat in Sexualkunde

g´nau aufpasst – und er woaß wias´ geht…

Und moant, des is do´ oiss a Schmä:

„Herr Lehra, oisse glaub i ned!

Dass i  iatzt von `ram Affn kaam,

des konn ned sei – Hoit jede Wett!

Glaub ned, dass d`Oma  oder d`Mam

mit so an  Affn wos  ghabt  hätt!“

                                                                                              P.U.  04.11.06