Aenus (der Inn)

Im Anapäst-Rhythmus:                                         

Wann`s Hochwassa üba de Staustufn rauscht

na hear i an Inn wos vazäjhn,                    

vo schmejznde Gletscha, vom Lago Laghin,

da Flaz* und vo andane Quejn…                

Er kimmt ausm Engadin, drin vo da Schweiz,

er is a Gebirgla – hejwach…

Sei Weg is so lang, lauft durch ziemli vui Seen,

und rauscht durch poar Schluchtn recht gach.

Am Engpass vo Finstermünz druckt a  si durch

und boid dann durch  Innsbruck - Hallo!

Und noch ganz vui Staustufn endli kimmt a

nach Passau – mia frein uns a so!

Sei grau-greane Farb hat a  b´hoitn bis do

(de ham eahm de Gletscher mit gebm);

so trifft  a auf Doana – in de schiaßt er nei –

und dann is vabei mit seim Lebm…

* die Flaz, einer der Quellbäche                                              P.U.  06.07.10