Paul Rudolf Uhl
Hundsfressn
Da Karli vo´ da Unterstodt
den hamms zun Metzga´ Meier gschickt.
„Für ´n Hund“ soi´ er wos kaffn grod.
D´ Vakäuf´rin hört des und sie nickt:
„Für´n Tiras, gej, den Doberman?
Do richt´ i dir aa glei wos her..
Und Knochen kriagt a aa, i kann
a Schwartn dazu doa... Von derdo hob ich heit davo´ grod gnua...“
Da Karli hörts und werd ganz rot
und stottat glei, der arme Bua:
„Fräun Leni – naa – dee schlogn mi dot!
So fett derf´s ned scho´ wieda sei´!
Da Vadda is scho´ so beleibt!
Und wenn so fett is, i sog ´s glei´,
is ´s sicher, dass a´ wieda speibt!“
P.U. 03.01.02
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 26.10.2010.
- Infos zum Urheberrecht / Haftungsausschluss (Disclaimer).