Heit hob i glocht

Heit hob i glocht
bin erst ganz spod aufgwocht
zum Frühstück hod gföhd de Ruah
hob gsuacht meine schwoarzn Schuah
des Poar woar ganz weg
des andre Poar volla Dreck
im letztn Hemd woar dann ah nu a Loch.
Wos hods schliesslich geb noch?
De Hosn ohne Bügefoiltn
de Zeit woar nimma aufzuhoitn
und de Jackn woar oje
ganz flecki nu vom letztn Schnee
auf da Krawattn Speiserestl
ohne Knöpf dann ah nu s´Westl
so muass i dann ah nu ausse geh
erfolgreich soid ih do den Tog besteh
„Liaba Mann“ schrei ih ganz laut
„host mih amoi genau angschaut?“ 
Do tippt a mitn Finga auf de Stirn
„bist erwochsn, host a Hirn
muasst scho boid gnua wissn wost brauchst zum Trogn.“
Do fang ih an zum Lochn
mei wos soid ih do nur mochn
ois Mensch bin ih wia ih bin
nur mei Gwand des is hoid hin.