Ingrid Höft
Bläd glaffa
Mit Leit, do hob i so mei Gfrett,
weil ohne Bruin, do kenn i's ned
und kimmt ma dann moi oana quer,
dann nuschlt i hoit wos daher
und hoff, daß der des ned vasteht
und dann aa wieda weida geht.
Doch neilich redt mi oana o
(vom sehng do hob i kennt den Mo).
Er moant dann aa glei : „So a Freid,
hob di ned gseng a Ewigkeit!
Wo steckts den bloß, du oide Schäsn -
Ja, bist denn du gor eisperrt gwesn?“
Und dann vazajht er ungeniert
glei, wos de Joahr so oiss passiert.
Und moant, vielleicht hät i Bedarf
er waar auf mi scho oiwei scharf,
weil dann kam er aa gern vabei...
„Wia waars glei morng um hoibe drei?“
Do bin i dann aa explodiert!
I hob eahm glei a gscheide gschmiert...
Und do, do war uns zwoa dann klar
daß des jetzt a Vawechslung war.
Mei - war uns zwoa des Ganze zwida...
- In d' Sauna ohne Bruin, nia wieda!.
Ingrid Höft November 2010
Vorheriger TitelNächster Titelhallo Iht lieben Kommentatoren,
ich versuche jeden Kommentar von Euch zu beantworten,
sollte mir das bisher nicht immer gelungen sein, so liegt daß daran, daß ich immer noch mit der Technik von e-storrie so meine Probleme habe. Bitte um Entschuldigung ich bin noch am üben, aber da bin i typisch Frau was Technik anbelangt
Liebe Grüße aus Bayern IngridIngrid Höft, Anmerkung zum Gedicht
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 07.11.2010.
- Infos zum Urheberrecht / Haftungsausschluss (Disclaimer).