Echte Liab

...  „Errötend folgt er ihren Spuren“
hat moi a Dichta gschiebm, der`s  woaß...
Heit is des andascht: scho mit dreizehn
san Dirndln auf de Buam recht hoaß...
 
Auf  d´Nacht um sechse zoangs im Fernsehn
scho oiss, wos gibt, auf dera Wejt;
Perversität und Mord und Totschlog;
- des werd ois „ganz normal“  higstejt...
 
Und wannst ned woaßt, wos „Cunnilingus“
oda gor „Domina“ bedeidt,
na frog de Teenies in da Hauptschui,
do song da`s dann scho – do sans gscheit!
 
Bloss – wia ma mitananda umgeht,
wos „zuarananda hoitn“ hoaßt,
des hat eah  koana gsogt – des wichtigst!
„Fürn andan oiwei do sei“ – Woaßt?!
 
                                               P.U.  27.03.03