Paul Rudolf Uhl
Die Rente mit 67
„Koa Rentnkürzung!“ ham se gsogt–…
So konn as Vojk beru(h)igt schnej wer`n…
- Do hast di fuchzg Joahr lang recht plogt,
und eizohjt – ja, es is zum Plärrn -
und mechst mit fünfasechzg dann geh´,
gibt`s Abzüg! – Ham ma des vadeahnt?
Bis siebmasechzg muaßt arban! – Schee!
- De Relation hat ma valernt…
De Abzüg san des gleiche wia
a Rentnkürzung! –„Naa!“ ham´s gsogt,
“es kimmt koa Kürzung!“ – G´logn is´s schier…
Ois oida Mensch bist nimma gfrogt,
ehs Herrn - iatz sogts ma doch grod: Wer
derf so lang bei da Firma blei(b)m?
De meistn wer`n ja ausgstejt… - Mehr
de Junga hoin se… - `S is zum Spei`m!
A Unterschied miaßt gmacht wer´n – denn
de Bauarbeita (d`Lehra aa):
Mit fuchzg san`s fertig scho… – I kenn
koan, der des so lang durch hoit. – Naa!
Und außerdem is` purer Hohn:
Politiker* - de ham ja z`meist
noch vier Joahr (!) Anspruch auf Pension…
Des find i ungerecht und dreist !!!
P.U. 17.11.10
* Abgeordnete
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 18.11.2010.
- Infos zum Urheberrecht / Haftungsausschluss (Disclaimer).