Paul Rudolf Uhl
Windmond (November)
Stürmisch pfeift da Wind um`s Haus !
`S Lauwats liegt scho lang herunt…
Greislich`s Weda – Sturmgebraus;
Hund jogt ma do aa koan naus:
Niesln, Graupln, Newe, und
schneibm duad`s zwischndurch a weng…
Dog san kurz und um null Grod,
d`Sunn scheint kaam, de meist´ Zeit Reng;
d`Händ vor Aung konnst fast ned sehng,
zapfig* d`Nächt - mit Minusgrod…
Wintasunnwend is boid aa:
Grod vier Wochn san`s no hi,
Krampaltratzn – Trallala !
Weihnacht werd`s dann eh boid sa:
Kaufrausch, Hektik, Liturgie.
Wintadepression gibt`s jetz´;
Oide Menschn sterbm ganz vej !
D`Leit san grantig, d`Kinda letz;
Glatteis oft im Straßnnetz -
und vakäjt bist aa ganz schnej…
P.U. 24.11.10
* kalt (eiszapfenmäßig)
** den Krampus ärgern auf den Straßen
*** lästig, ungeduldig, überdreht
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 24.11.2010.
- Infos zum Urheberrecht / Haftungsausschluss (Disclaimer).