Woartn auf wos

A Fenstal aufmocha jedn Tog
und schaun wos dahinta steckt,
a Kerzn anzündn jedn Sunntog
und zuaschaun wias brennt, und woartn.
 
Woartn auf wos?
 
Aufs Fenstal aufmocha jedn Tog,
traurig sei wann nix dahinta steckt
in dGschäft renna, koa Frog, und woartn.  
 
Woartn auf wos?
 
Auf des, wost da lang scho hoamli wünscht,
auf wos besonders schens,
olle des ah wünschn vastehn, und woartn
 
Woartn auf wos?
 
Auf des wos unsa oans sicha nia kriagn wird.
egal wia lang woarten, egal ob mas gspiart
Oba gfosst muasst drauf trotzdem sei
 
Woartn auf wos?
 
Kunnt jo amoi a Wunda gschehn
dawoartn muaßt das kinna und vastehn.