Ingrid Höft
Einfach grod gmiatlich
„Stress“? - Den laß i heit de Andan:
Heilig Omd, geh i meist Wandan.
Mach mi hernoch grod no frisch,
sitz mi glei an decktn Tisch.
Laß de Kinda kocha, bacha,
sich den ganzn Trube macha.
Hob dreisg Jahr lang ghabt des Gscheer,
Jahr fia Jahr, i mog ned mehr.
So an Christbamm drin im Zimma,
brauch i in meim Oita nimma!
Stej an Tannabaam vors Haus
olle Jahr fia d' Vogal naus.
Brauch aa ned umananda laffa,
und an Haufa Gschenke kaffa,
na - de Zeit, fia mi is um
wo i mit Riesn-Gschenke kumm.
Mach mia jetzt a staade Zeit,
dua bloß des no, wos mi gfreid,
fahr damit aa gorned schlecht,
machs hoit nimma alle recht.
Ingrid Höft
12/2010
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 17.12.2010.
- Infos zum Urheberrecht / Haftungsausschluss (Disclaimer).