Ingrid Höft
Des Kreiz mit da Arbat
Ois kloana Trost fia olle de zwischn de
Feiadog arbatn miaßn.
Ja oiss im Lem hod so sei Zeit,
wenn in da Friah da Wecka leit
und Du muaßt aa scho aufsteh glei
vielleicht in d' Stodt zur Arbat nei...
Und in da Arbat wart bloß Mist,
dann denkst dir oft, wennst ehrlich bist,
wia schee kannts ohne Arbat sei.
Wann is vorbei de Plogarei?
Des Aufsteh waar dann hoib so schlimm,
du waarst ned mehr im Gschiarr so drin.
Fia oiss hätst mehra Zeit dazua
und in dei Lem kaam mehra Ruah.
Oft kimmts dann so wias kemma muaß,
dei Firma macht ganz schnej Konkurs
und oalles werd fast üba Nacht,
von heit auf morg, glei dicht no gmacht.
Do hert se dann glei auf da Gspaß,
stehst ohne Arbat auf da Straß.
Werst bettlarm, konnst nix dafia
und noch oam Joahr, do kriagst Hartz via.
Ja glab ma, dann daadst aufsteh gern
und von da Arbat miad no wern...
Drum mach min Aufsteh koa so Gschieß.
Und nimm dei Lem a so wias is!
Ingrid Hoft
12/2010
Vorheriger TitelNächster Titel
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 27.12.2010.
- Infos zum Urheberrecht / Haftungsausschluss (Disclaimer).