Paul Rudolf Uhl
Respektsperson
In Passau gibt`s a Politess,
mit dera hob i ständig Stress:
Weil sie mi oiwei aufschrei(b)m duad…
Do kriag i jedsmoi so a Wuat !!!
I war grod fünf Minutn weg,
do, in dem Gschäft, glei links um`s Eck,
und scho hob i an Zettl dro…
De Polly, de sekiert mi so!
An hoibn Meta bin i grod
im Parkvabot – des waar doch schod
und Plotzvaschwendung – so moan i…
Drum stej i mi erst recht do hi!
Doch gega d`Polly, do hejft nix:
Hat oiwei Recht! – Ja Kruzi…….
Und Widerspruch hat gor koan Sinn,
weil i mit ihr vaheirat bin…
(;-))
P.U. 06.01.11
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.01.2011.
- Infos zum Urheberrecht / Haftungsausschluss (Disclaimer).