Paul Rudolf Uhl
Siebengescheit
Mundart: - Idiomatische Redewendungen:
Der "head des Gros wachsn" – der Kundt:
A Mensch is, der oiss bessa woaß…
Und wann er nix woaß, treibt a `s bunt:
Der gibt nix zua - dischkriat* recht hoaß.
Der „schmeckt an Dreck im Finstan“ glei
(des hat mit Riachn wos zun doa) –
I mog`s ned, de Rechthabarei …
des stört aa ned grod mi alloa !
A Siebmgscheida, a Mausdodschmatza !
An soichan konn ma ja ned traun…
Des macht mi glei zum „Image-Kratza“:
I kratz am Lack – do werd a schaun…
Und ganz schlimm kimmt`s – ja glaubts ma´s gwieß,
wenn er dann "d`Flöh no huastn head"…
Na sog i eahm direkt in´s Gfries,**
wos er mi konn… - Do bin i gschead…
Des sitzt! - Dem hobi`s aba gsogt…
Doch iatz, do kimmt ma in mein´ Sinn
(weil mi a weng des Gwissn plogt),
ob i ned z`übaheblich bin?...
P.U. 22.01.11
*diskutiert ** Fresse, Gesicht
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 22.01.2011.
- Infos zum Urheberrecht / Haftungsausschluss (Disclaimer).