Paul Rudolf Uhl
Müssen (oder: von Beruf - Sohn)
Miassn…
I muaß in d´Arbat – hat er gsogt…
Do hat a Recht, da Fred – er muaß:
Wo kaam sonst `s Gejd her ? – Und er plogt
si jedn Dog – as Gsicht voi Ruaß…
Er is Kaminkehra - desweng
da Ruaß! - Grod – wer muaß ned ?
In jedm Job muaßt krumm di leng,
ma konn`s ned ändan, liaba Fred!
Büro und Handl, Bäckerei…
Fast jeda muaß in d `Arbat geh.
Warum? – Wos werd da Grund wohj sei ?
Da Broterwerb! – Jatz waar´s hoit schee,
wann`s oana ned ois Pflicht oschaut;
ois Spaß, ja - ois Berufung goar…
Na foiat`s* leichta… - Astronaut,
ja, oder Künstla - wundabar !
Aus reichm Haus wann`s d aba kimmst,
na muaßt ned arban – dann is so,
dass du dein Job ois Hobby nimmst…
Bei Reichtum hindat di(ch) nix dro.
* fiele leichter P.U. 24.01.11
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 25.01.2011.
- Infos zum Urheberrecht / Haftungsausschluss (Disclaimer).