Ingrid Höft
Spazierngeh waar so schee...
Wern jetzt langsam grea de Wiesn,
kannst des Außegeh genießn,
waar bloß ned an jedn Eck,
übaroi da Hundedreck.
Ja, dann kons dir schnej passiern,
gehst im Stadtpark moi spaziern,
stehst scho drin in so an Haufa.
Is des ned zum Hoarausraufa?
Und dann gibt’s no de Idjotn,
(sowas ghert scho lang vabotn!)
Lassn d' Hund ganz ohne Leine,
do aa no in Spuiplotz eine.
Wenn de Hund dann ned pariern,
weils de Leit aa so vaziahng
und der macht do drin sei Gschäft
ja, do werd mia jedsmoi schlecht.
Wennst vielleicht dann do wos sogst,
oda gor des Viach vajoagst,
werd mim Anwoit droht dir glei
und da Tierschutz schoit se ei.
Find, des is do scho recht dreist:
Wenn aa Hund in Spuiplotz sch..,
do hojt koana Polizei,
wann de Kinda plärrn dann glei.
Ja, de Hund, de san uns teier,
dafia zojhn mia sogar Steier.
D' Kinda kemma aussterm lassn,
gibt ja vui gnua Hunderassn
und fia d' Rentn nehma dann,
d' Hundesteier, irgendwann!
Ingrid Höft
02/2011
Übrigens ich habe nichts, aber auch ga rnichts gegen Hunde, nur gegen unvernünftige Hundebesitzer
und von denen kann ich ein Lied singen, denn ich wohne direkt am Stadtpark neben einem Kinderspielplatz..
Ich weiß nicht wie das in anderen Gemeinde gehandhabt wird, bei uns zahlt man Hundesteuer.
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 10.02.2011.
- Infos zum Urheberrecht / Haftungsausschluss (Disclaimer).