Paul Rudolf Uhl
Fasching oder Karneval?
...damit auch die Mundarfreunde mein gestriges Verslein verstehen:
Varruckte Zeit und Narretei:
An Umzug ham`s fast übaroi…
Der ziagt mit Musi dann vabei,
mit Singa, Danzn, Hennastoi*…
Da Guttenberg, der werd dableckt,
und aa d`Regierung – wer`s a is…
Ganz offn aber, ned vasteckt !
De Gardemadln danzn gwieß,
dass`s eahna warm wird… - Mia is`s koit
beim Steh und Zuaschaun – des is schlecht…
Ja, mei – es is no Winta hoit…
Und desweng sehn i mi so recht
nach Wärm ! – Wia waar`s denn mit Rio?
Do hätnn`s glei fünfazwanzg Grod!
De Deandl dort ham fast nix o,
außer poar Federn… – Eingli schod,
weil so a Roas zum Karneval
in Rio – mei, der kost a Gejd !
Drum bleib i hoit im Donautal,
in unsra koitn Faschingswejt… P.U. 08.03.11
* Hühnerstall: es werde in den Umzügen auch die Aufzuchtpraktiken der Eierlieferanten angeprangert...
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.03.2011.
- Infos zum Urheberrecht / Haftungsausschluss (Disclaimer).