Nacktschnecken u. Laufenten

De Nacktschneckn hob i im Gartn…
De Biesta fressn oisse zamm !
Iatz mog i nimma länga wartn,
und mecht de Laufantn iatz ham…
 
Zwar san´s  aus Indien und ham aa
den Schnobe oiwei ganz weit drobm,
doch hoitn se mein Gartn sauba…
De Antn muaß ma wirkli lobm!
 
Nacktschneckn - I find`s unmoralisch !
I hoit nix von dem „FKK“…
I bin do ´weng  sentimentalisch –
Des ghört si ned in Bayern – Naa!
 
Und noch acht Wochn is a sauba,
mei Gartn: – D´Schneckn: ausradiert…
Mir kimmt des vor, fast wia´ra Zauba !
- Wia hob i des  organisiert ???
 
Iatz miaßn d`Antn Hunga leidn
und fressn meine Pflanzl zamm !
Und außadem gengans auf d`Seitn,
weil`s  an Geschlechtstrieb  aa no ham:
 
A Loch im Zaun – beim Nachbarn drent -
den seine Hausantn, de kriang
auf indisch Junge – ma hat`s  kennt:
Da Nachwuchs konn scho nimma fliang…
 
                                                               P.U.  31.03.11