Oi Dog de sejbe Frog

 Mei , wos koch i denn bloß heit

langsam geht’s auf d' Middogszeit?

Seit fünf Dog gibt's „Spiegelei “

heit sois moi wos andas sei.
 

Ja - wia waar des mit Schpinod,

wo der so vui Eisn hod

und wos gsunds, des waar scho recht

schmeckt ja wirklich aa ned schlecht...

Wos an Beilagn dazua?

Hät Katoffe no grod gnua.

Des geht schnej und schmeckt ned bläd...

Naa, mim Kocha hob's i ned!

Irgend ebbas fejt dann do?

Schaut mi aa weng nackat o

und do kimmt ma de Idee...

brone Oar*, de passn schee.

Ingrid Höft
April 2011

* brone Oar= gebratene Eier, Spiegeleier


Vielleicht kann ja über mein blödes Gedicht jemand lachen, trotz oder gerade wegen der traurigen Zeiten sollte man das Lachen nicht ganz vergessen!