Wos is denn des?

Wenn ma lacht, obwois koan Grund ned gibt
und ma alle Leit a bisserl mehra liebt.
 
Wenn de Vegl wieda Liada singa,
und'd Biermaßn aufananda klinga.
 
Wenn der Kaffee wieda draussn schmeckt
und ma gern a koits Eis nei schleckt.
 
Wenn am Isarstrand de erstn Nackadn liegn
und überd Wiesn de Schmetterling fliegn.
 
Wennd Sonn auf der Nasn kitzelt
und’s Gfuih im Bauch drin britzelt.
 
Wenn de scheena Madl immer scheena wean
und Buam bei eana obandln dean.
 
Nachher is der Frühling da,
sonnig warm und wunderbar!