Wos soi jetz des?

 Seit vierzehn Dog: Mei Nosn juckt

und langsam macht mi des varuckt.

Scho in da Friah, do geht des los,

ganz ohne Grund, wos mach i bloß?

I frog mei Freindin um an Rod

de lacht a weng und moant dann grod:

 De Nosn klar, des konn scho sei

du steckst de übaroi ja nei“.

Der bläda Spruch hejft mia ned weida,

do glab i, waar's fast do des Gscheida

i daad an Doktor konsultiern,

der kannt mia wos in d' Nosn schmiern.

Am nächstn Dog, ja do vareck,

do is des Jucka wieda weg!

Und dofia gibt’s jetzt aa koan Grund...

Bloß - juckt mi des? Hauptsach is gsund.

Ingrid Höft
April 2011