Lass´s hoit lebn !

Angelehnt an Eugen Roth´s  „Stubenfliege“:
 
 
A Fleischfliagn brummt im Zimma rum,
des regt mi auf wia  d`Sau!
„Des Mistluader!  - Iatz bring i`s um!“
„Naa – lass`s  hoit  le(b)m!“  sogt d´Frau…
 
„Des is a  Gschöpf, vom Herrgott g´woitt,
und eingli´  is  wia  Mord!“
“Wannst moanst, dass´s  länga  le(b)m no soitt,
na schmeiß  i´s naus  sofort!”
 
Ganz staadle fang i `s und lass´s  frei;
bei unsam Fensta naus…
- A Vogl kimmt, schluckt´s  owe glei!
Der blost ihr `s  Le(b)msliacht aus…
 
Hob gmoant, i  hätt Vadienst erwor(b)m…
„Mein Gott, i  mecht ned liagn:
Iatz  hast ma fei  d`Moral vador(b)m:
Daschlog iatz olle Fliagn!“
 
                                                               P.U.  08.08.07


Anmerkung: Bin wieder eine Woche verreist - hoffentlich vermisst jemand meinen täglichen Beitrag... ? (;-))