Ingrid Höft
Fast wia a Zwang
I hock so gern an mein PC!
Kon des oft sejba ned vasteh,
des „mailen“ macht ma bsondas Freid
und dozua nimm i mia vui Zeit.
Oft schreib i mails, is wia a Zwang,
glei seitnweis und himmelang.
Vazajh recht gern von meine Dog
und wos i oisse gmacht so hob.
Vom Wedda, wos im Fernseh kimmt,
aa wenn mei Nachbar wieda spinnt...
Vom Rentnastress, de Enkelkinda
und das ma oid werd oiwei gschwinda.
Und weil i gern fotografier
do kriagts aa Buidl vui vo mia.
So manches kannt i eich dasparn,
is oft ja aa a scheena Schmarrn.
Gwieß reng eich meine mails scho auf;
i sog eich wos, i nimm's in kauf...
Und kriag i sejba moi an Stress,
dann schick i eich hoit SMS.
Ingrid Höft
Juni 2011
Zu diesen Zeilen hat mich Faro inspiriet mit seinem Gedicht auf die sog. "Münchnerfreiheit"
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 05.06.2011.
- Infos zum Urheberrecht / Haftungsausschluss (Disclaimer).