Roswitha Zipperer
Pfälzer Paradies
(Vorderpfälzer Mundart)
Känn Mensch wäs,
wie die Welt isch entstonne.
Klar isch,
s hot ogfonge vun Vorne.
Ogenumme, die Erd war schun do,
donn denk isch mer so
es hot schun alles gewwe uf de Welt,
was mer halt Nadur so nennt.
Jeder Boom hot soi Bämche schun ghat,
jedes Blättche soi Blatt.
Es waren Viecher schun do,
vum Elefont bis zum Floh.
Nur de Herrgott war allä
un - allä soi isch net schä!
Er hot nochgedenkt - un donn laut gelacht
hot als negschtes die Mensche gemacht.
Un so im Lache,
lossen sich nur PÄLZER mache.
Un weil die Pälzer schun eh un je waren e lustiches Völkche,
vertrieb de Herrgott so manches dunkle Wölkche.
Un aus dem ich jetzert schließ:
- Die Palz war doch des Paradies!!! -
Die Rechte und die Verantwortlichkeit für diesen Beitrag liegen beim Autor (Roswitha Zipperer).
Der Beitrag wurde von Roswitha Zipperer auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 26.11.2003.
- Infos zum Urheberrecht / Haftungsausschluss (Disclaimer).