Medienkritik

Iatz hob i lang scho nix mehr gheart,
ob drunt in Libyen oiwei no
auf´n  Gaddhafi gschossn werd –
Und er no auf sei Vojk – und so…
 
Z´Ägyptn – wird des boid moi wos ?
Ja - kriang de iatz  d`Demokratie ?
Und wos is in Tunesien los ?
Kenn ma do hi fliang, du und i ?
 
In Fukushima – wos is do
mit dene Kraftwerk? – Heart ma nix,
ob ma de Fisch no essn ko?
Wird  d`Strahlung schlimma? – Kruzefix!
 
De ganze Zeit berichtn de
vo da Finanzkrise EU,
dass nixe weida geht – ja hey –
samma iatz pleite – i und du ?
 
Und no oa vergewaltigt hat
da Dings – vaflixt – da Kahn, da Strauss.
Ja, des is wichtig – i bin platt –
de ganze Wejt: a Narrnhaus!
 
                                                               P.U.  21.07.11