Paul Rudolf Uhl
wos glernt
In Passau - Schalding, Löwenwand,
an da B 8 – ehs wisst´s scho wo –
hockt auf am houha Sockl drobm
a groußa Löw´ - i schau nan o:
Muaß nauf schaun – und i hob Respekt:
De Größ! – De Würde! – Sapperlott !
A Meisn fliagt eahm aufn Kopf –
schaut aus, ois ob se eahm vaspott…
Se tipplt auf da Mähne rum
und schimpft a wengal vor sich hi…
Bevor se wegfliagt, lasst`s wos foinn…
Respektlos is des – Sakradie !!!
Da Löwe regt si do ned auf:
Er bleibt da größte weit und breit…
Hob gmerkt, wos Würde is – ja und,
dass i vo eahm wos glernt hob, heit!
P.U. 08.08.11
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 08.08.2011.
- Infos zum Urheberrecht / Haftungsausschluss (Disclaimer).