Der Drach`

 
Einsame Gegad – Obapfoiz …
Uns is a fürchtalicha Drach
begengt - hat Rauch und Feia spiebm –
und plärrt! - Mei Wei, des werd glei schwach…
 
I hob koa Schwert – und drum hob i
drauf gschossn, gschossn, wos grod geht !
Da Drach, der is an uns vabei …
„I schiaß doch– Sakra – gspannst des ned?“
 
De andan Leit ham`s  gleiche do…
Da Drach ziahgt weida und draht´ ob…
In Furth im Woid… `S is nix passiert,
weil i grod Fotos gschossn hob…
 
Da Drach, der is a Mords-Maschin,
wennst den sehgst, moanst, des Viech is echt
(hat zwoa Milliona kost – Respekt!),
dem i im Finstan ned begegna mecht…


 
 Anmerkung: Der Umzug und der Drachenstich in Furth im Wald ist ein tolles Erlebnis.
Wer möchte bekommt von mir ein Bild von dem Untier...

verspricht
 der Paul