Paul Rudolf Uhl
Natur-Religion?
wie wär´s demm mal mit dieser Anschauung?
So mancha Felsn hat a Gsicht –
des mechst ned glaam – a Baam oft aa…
Vielleicht gibt´s wirkli Trolle und
aa Elfen – Mensch, des kunnt doch sa?
Naturgeista – warum denn ned?
Mia Menschn san doch gschaffn worn
vo da Natur und ghearn dazua…?
Red ned dagegn, sonst kriagst mein Zorn!
Weil: I find´s logisch – woaßt, warum?
Da Herrgott is vielleicht d Natur –
allmächtig – und mia sündign
dagegn – des is doch Wahnsinn pur!
Zwar is de Wejt koa Paradies –
des is valorn, de oide Gschicht…
Wann mia aa no de Wejt valiern
– des waar dann unsa letztes Gricht!
Obwohj: da Wejt gang`s ohne uns
vej bessa – des is amoi gwieß...
Und, dass – d Natur – wia ma´s aa nennt -
auf uns gor ned ogwiesn is…
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.08.2011.
- Infos zum Urheberrecht / Haftungsausschluss (Disclaimer).