Schnaknplog

 
Kimm koa Nacht mehr gscheid zua Ruah;

langsam hob i davo gnua!

Fang ja boid des Spinna o,

wenn i nimma schlafa ko.

Und do kimmt mia de Idee,

wenn i erst koit Duschn geh,

no a Stündal lesn dua

foin ma vielleicht d' Aung scho zua.

Und des hod aa funktioniert,

noch na Stund, do bin i miad.

Mach des Liacht no ganz schnej zua;

endlich – kimm i heit zua Ruah!

Bloß, do kon i guad und gern,

scho a Dutznd Schnakn hern,

denn des Liacht des ziagt hod glei,

oallahand so Gsindl rei.

Und wos war des End vom Liad?

Endlich waar i heit moi miad!

Do kon i an Schlaf vagessn,

weil mi sonst de Schnakn fressn!

Ingrid Höft
August 2011