Die Fremmen

Vor 50 Johr sein die heintign Göschta (Gäste) für ins die Hearischn odr die Fremmen giwöin,
obr zi dr sem Zeit hot man ba ins lei oanzelna fremma Leit gsöign,
lót enk nöt lóng ausfratschln(ausfragen),hot die Nadl (Großmutter) zi ins gsógg,
wenn ins döi Leit nouch an Berg odr an Wöig houm gfrógg,
obr ins hot des gfólln,miar houm sogor giwöllt hoachdeitsch röidn,
obr sel isch fir ins gonz schwierig giwöin.
Ba insern Hof isch dr Schteig ins nächste Dorf vorbeigóngen,
so sein holt wieder amol a poor Fremma döi Richtung gongen,
wo geht hier der Weg weiter, houm sie mi gfrógg,
i hon in meiner Aufregung gonz hoachdeitsch gsógg,
da enten beim Schtuf hinauf müssen sie gian,
und oben bei dem Schteig hinein wo die großen Keschtenbama schtian,
ach, sind da drüben Stufen sógg döi guata Frau und sie gian lóngsom weitr,
und i hon nochngschaug wia a órmer Heiter,
Stufen hon i miar gidenkt wernsa dou entn koana fennen,
jo tian döi Leit nöt amól an Wiesnschtuaf (Wiesenrain) kennen,
so hon i sie hólt nöt auderbeteitscht (aufklären) döi Fremmen,
obr sie wern schun dechtr ans Ziel sein kemmen.
 

• Autorensteckbrief
• anna.steinacheralice.it (Spam-Schutz - Bitte eMail-Adresse per Hand eintippen!)

  Anna Steinacher als Lieblingsautorin markieren

Diesen Beitrag empfehlen:

Mit eigenem Mail-Programm empfehlen