Paul Rudolf Uhl
Hundsdog
Ned, dass i meckan mecht – naa, naa!
Da Summa soitt scho warm sei und
am Nomiddog scho hoaß moi aa…
Zun schimpfn gibts do goar koan Grund!
De oidn Leit duad`s hoit ned guad:
Da Kreislauf spinnt bei dene glei,
da Hitzschlog droht, fast kocht as Bluad...
De miaßn vorsichtiga sei.
Und de Ozonwerte steign o…
Ned sportln soitt ma an so Dog,
weil`s oan do glei dabresln ko…
Ned schlimm – weil i des eh ned mog.
I sitz im Schattn draußt beim Bier,
a Weißwurscht – Brezn no dazua –
Und schau di o, Schatz, hockst bei mir –
Des is de scheene Boarisch Ruah!
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 24.08.2011.
- Infos zum Urheberrecht / Haftungsausschluss (Disclaimer).