Ingrid Höft
Justizirrtum? (Moritat)
An Vata hams umbrocht
so ganz ohne Grund -
und d' Leich glei zasticklt
vafuaddat an d' Hund.
Im Namen des Volkes
san schuidig de Vier!
Es gibt zwar koa Leich ned,
a Gständnis dafia.
Im Zuchthaus do sitzns
seit Jahren jetz ei.
Im Namen des Volkes...
Ja - so muaß des sei.
De Leich hams dann gfundn,
zwoa Joahr is glei scho...
Scheints is er dasuaffa,
samt Auto der Mo.
Wia kimmts zu dem Gständnis?
Mi daads intressiern...
Wia kon denn grod so ebs
bei uns no passiern?
A neia Prozess soi
jetzt klärn wer war schuid.
Im Namen des Volkes -
do brauchst aa Geduid...
Im Namen des Volkes
mia wern's ja erlem:
A Richter entscheidet...
und 's Vojk gibt sein Seng.
Ingrid Hoft
September 2011
Eine wahre Geschichte so etwas gibt es noch.
Bei uns wurde kürzlich ein Prozess neu aufgerollt bei dem eine Ehefrau und ihre drei Söhne vor ca 8 Jahren auf Grund eines Geständlisses und der vermeintlichen Indizien zu einer lebenslanger Haft verurteilt wurden.
Vor zwei Jahren wurde dann die Leiche des Mannes gefunden, ertrunken in seinem Auto jetzt soll geklärt werden ob es sich um einen Unfall oder ein Verbrechen handelt.
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 05.09.2011.
- Infos zum Urheberrecht / Haftungsausschluss (Disclaimer).