Paul Rudolf Uhl
perpetuum mobile
Blödelgedicht… Nach einer Kurzgeschichte
von Franz Schrönghamer-Heimdal
Das ist vielleicht die Lösung der Schuldenkrise:
I bin sei Chef – und er mei Gsej. *
De Rezession kimmt oft ja schnej…
Konn eahm ned zohjn – scho a hoibs Joahr
(mia lebm vom Goartn - olle zwoa…)!
Hob Schuidn - und drum hob i eahm
mei Firma übaschriebm ganz zeam…**
Notarisch ned – des kost ja Gejd –
mit Handschlog, der in Bayern zähjt !
Iatz is er Chef, konn mi ned zohjn
(entlassn wird er mi ned woinn) –
und ois Entschädigung dafier
schenkt er de Firma wieda mir !
So hi und her, oi hoibe Joahr,
so frettn mia uns durch, mia zwoa…
So her und hi… – Und i woaß ned,
wia lang des Gspui so weida geht…
*Geselle **cool, super, prima…
P.U. 13.09.11
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 13.09.2011.
- Infos zum Urheberrecht / Haftungsausschluss (Disclaimer).