Ingrid Höft
So kon's geh!
A Zebra lebt im Bayerwoid
do hods vui Schnee, is greislig koit.
In Afrika is gor nia gwen
do mechts no oamoi hi im Lem.
Es daad gern mit de Vegl ziang,
do leida kon ned jeda fliang,
drum buacht's bei TUI an Urlaub glei
und sitzt se in an Fliaga nei.
In Afrika bei Sand und Hitzn
do kimmt des Zebra jetz ins schwitzn,
bloß d' Hitz de is eahm aa a Graus
do ziagt's de gstreifte Joppn* aus.
Und weil's bei dera Hitz ned gstorm
drum fliagt ois Esl wieda hoam
und seither steht in Straubings Zoo
a oida Esl irgendwo.
Ingrid Höft
September 2011
Sorry ich bin zur Zeit wenig im Forum, die Zeit reicht da nur zum Lesen Eurer Gedichte.
Schreibe an einem Gedichtsband mit vielen Bilder und stecke mit der Gestaltung dick drinn.
* Joppn = Jacke
Die Rechte und die Verantwortlichkeit für diesen Beitrag liegen beim Autor (Ingrid Höft).
Der Beitrag wurde von Ingrid Höft auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 16.09.2011.
- Infos zum Urheberrecht / Haftungsausschluss (Disclaimer).