Paul Rudolf Uhl
time controlling
Mal rast, mal bummelt sie: die Zeit… - Abhilfe ist wohl ein time controlling
.
Wia ma de Zeit im Zaum iatz hoit,
des woaß i gottseidank ganz gwieß:
Dass – wenn de Zeit so narrisch rennt,
bloß a Problem vo Aufsicht is…
I hob`s probiert: Ma muass streng schaun
auf`n Sekundnzoaga-Takt!
Na tickt er langsam, ruckt grod vor
noch de Sekundn – ganz exakt!
Doch wehe – du schaust moi ned hi
und hast`s zu am Termin pressant,
na roast de Zeit an dir vabei,
so, dass ma fast vazweifln kannt !
Im Wartezimmer und im Knast,
do dauerts lang, bis d`Zeit vageht…
Drum lass de Uhr ned aus de Augn,
- woaßt scho – dann bummlt se aa ned…
Und wann`s d a Uhr kaufst, pass guad auf
im Gschäft – und denk fei an mein Rat:
Kauf bittscheen grod a so a Uhr,
de an Sekundnzoaga hat !
P.U. 27.02.10
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 13.10.2011.
- Infos zum Urheberrecht / Haftungsausschluss (Disclaimer).