Paul Rudolf Uhl
Spionage
A poar so Spionasch-Programme
hams gfundn, drin im Internet…
De spioniern jatz auf mein Rechna
ob i `leicht untaschlong wos hätt…
S Finanzamt, ja, des woaß iatzt leida
fast oiss vo mia und vo mein Wei:
Wos si bei uns am Konto rühat - und,
dass`s übazogn is – mei, oh mei !
Und d´Polizei kennt meine Versal…
I bin zwar no koa Terrorist,
doch weil i fest auf d` Politik schimpf,
vadächting`s mi – a so a Mist…
Hob wirkli nixe zun Vastecka
und fürcht mi desweng auf koan Foj…
Trotzdem sehg i „ned ums Varrecka“
jatz ei, dass des legal sei soj…
Hob gmoant, a sowos waar vabotn,
wos de Regierung do iatz duad.
Des san Methodn vo da Stasi…
I find des übahaupts ned guad !
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 14.10.2011.
- Infos zum Urheberrecht / Haftungsausschluss (Disclaimer).