Dampf ob lassn

Es kimmt sejtn vor, aba manchmoi muaß i oafach……Dampf o lossn * !
 
Hob manchmoi so a wuide Wuat
im Bauch, wann oana mi recht gach
so vo da Seitn o redn duad…
Do kunnt´s passiern, dass i glei raach
 
ois wia a Dampfross – wirkli woahr…
Drum gehts ma bessa ausm Weg,
vo weng da Explosionsgefoahr,
und weil i dann grod roud** no sehg…
 
Wann oana z`nah bei mia do is,
der hat aa glei as Gsicht voi Ruaß,
wann i moi ausrast – des is gwieß -
weil  i mein Dampf o lossn muaß!
 
* ablassen                       **rot