Heiliger Obmd in meiner Kindheit

In dr groaßn Schtube isches worm,
hintern Tisch miar Kindr Orm an Orm,
es sein krot elfe an der Zohl,
Buam und Gitschn noch dr Wohl,
heint gibs koan schupfn und koan drängen,
iaz wert nor glei s`Christkindl kemmen.

Zerscht schteaht nou s`Betn un,
in hl.Obmd isch sel nöt so glei getun,
noch den  Kropfn össn,
terfmer s`donkn nöt vergössn,
und gsungen wert gonz laut und klor,
als singet gor a Englschoor.

Jo in dr Schtube isches worm,
hintern Tisch miar Kindr Orm an Orm,
a Schalele Tee für jedn ,
und a Schtuck Guglhupf drnebm,
heint gíbs koan schupfn und koan drängen,
weil krot isch s`Christkindl kemmen