Paul Rudolf Uhl
Schmierereien...
* Christus manisonem benedicat
De Dog hob i a poar so Schmiera
dawischt an meina Hausdür dro
und festgnomma und eigsperrt glei in
da Besnkamma… - Des war so:
De woittn an mei Hausdür schreiben
so Buchsta(b)m: C M B* - dazua
no Ziffan – hob`s grod no vahindat !
So Schmiera gibts ja wirkle gnua…
Vamummt war´n se mit weite Gwanda,
mit Farb im Gsicht und Krona dauf…
Vielleicht war´ns Hippies? – Gsunga ham se...
So Gsangl regt mi eh glei auf!
De Polizei is dann boid kemma…
Ham gsogt, des waar oisse O.K.
I kriag a Straf: Freiheitsberaubung
waar´s gwen… I find des goar ned schee!
P.U. 07.01.12
Die Rechte und die Verantwortlichkeit für diesen Beitrag liegen beim Autor (Paul Rudolf Uhl).
Der Beitrag wurde von Paul Rudolf Uhl auf e-Stories.de eingesendet.
Die Betreiber von e-Stories.de übernehmen keine Haftung für den Beitrag oder vom Autoren verlinkte Inhalte.
Veröffentlicht auf e-Stories.de am 09.01.2012.
- Infos zum Urheberrecht / Haftungsausschluss (Disclaimer).