Die 4 Elemente (;-))

Nicht ganz ernst zu nehmende Verse:        
 
 
Feia
 
A Feia muaß ned oiwei hoaß sei:
Mia feian meistns ziemli feicht…
Doch manche Weiba, de ham Feia…
Do „naa“ sogn, foit oam oft ned leicht!
 
Wassa
 
Da Jesus hat ja ausm Wassa
an Wein gmacht. – Mia geht´s  so hoit, dass
i ausm Wein grod Wassa zammbring,
des i dann hintaher moi lass…
 
Luft
 
Manchmoi kriag i fast koa Luft mehr,
busslt d Muse moi mit mia..
Ohne Luft is Bussln scho schwer…
Drauf vazichtn mecht i nia.
 
Erdn
 
Festgemauert in der Erden…
So hat moi da Schiller gschrie(b)m
Hob vor zehn Joahr Gejdschein´ eigrobm -
is fast nix mehr übrig blie(b)m…