Morgnkonzert

Ba ins in den Wold hintrn Haus,
bricht zmorgits a Konzertreign aus,
glei um söggsa geahts schun los,
i konn enk sogn des isch grandios,
Omsln,Finkn,Star und Moasn,
odr wia döi Vögl olla hoasn,
holtn do ihmen Morgnkonzert,
direkt schod dass des veschlofn wert.
I konn im Bött gor nimmr bleibm,
mit Gewolt tuats mi in Wold umentreibm,
do sitz i nor und tua ondächtig lauschn,
und hear in Wind in die Bama rauschn,
i werd gonz schtill und vergiss zu denkn,
Natur wia tuasch du mi decht reich beschenkn,
so schöpf i Kroft für an longen,hortn Tog,
miar geahts guat,weil i des Konzert in miar manondertrog.

zmorgits=am Morgen,söggsa=sechs,umentreibm=hinübertreiben,manondertrog=herumtragen